Калтасы районында технологик авария теркәлгән

Краснохолмский. 12 июль - "Балтач таңнары". Калтасы районында нефть агып чыгып, 200 квадрат метр җирне пычраткан

12 июль төнендә Калтасы районында «Краснохолмск җылылы челтәре» предприятиесе территориясендә нефть агып чыккан.

150 кубометр күләмендә нефть 200 квадрат метр мәйданга таралган.

Башкортстан Гадәттән тыш хәлләр идарәлеге матбугат хезмәте мәгълүматлары буенча, авприя нәтиҗәләрен бетерүгә 44 кеше һәм 16 берәмлек техника җәлеп ителгән.

Нефть агуы туктатылган. Техник чимал сулыкларга агып төшмәгән. Авариянең сәбәбе ачыклана.