Аскында стадион булачак

Аскын. 24 июнь - "Балтач таңнары". Аскында  стадион төзекләндерү 9,5 миллион сумга төшәчәк.  Әле анда "Торак һәм шәһәр мохите" милли проектын тормышка ашыру чикләрендә эшләр бара.

"Торак һәм шәһәр мохите" милли проектын тормышка ашыру кысаларында,  Аскынның  икенче санлы  мәктәбе янында урнашкан стадионны төзекләндерү эшләре дәвам итә.

Хәзерге вакытта стадион киртәләп алынган, планировка ясалган, җиргә  газон үләне орлыклары  чәчелгән. Йөгереш юлын һәм стадионга яктырту корылмалары урнаштыру, йөгерү юлына һәм автомобиль парковкасына нигез салу  эшләре бара.

Аскын районы хакимияте башлыгының төзелеш һәм тормыш-көнкүреш мәсьәләләре буенча урынбасары  Анатолий Щербинин  билгеләвенчә, трибуналарны урнаштыру мәсьәләсе хәл ителгән. Алар дүртәү булачак. "Аскын ДСПК”  җәмгыяте  трибуналарны бу атна дәвамында  урнаштырырга вәгъдә итә.

 Әлеге эшләр  стадионны төзекләндерү «Уңайлы шәһәр мохите формалаштыру» проекты кысаларында бара («торак һәм шәһәр мохите»илкүләм проекты). Узган ел нәкъ менә шушы проектны  Аскын районында яшәүчеләр сайлаган. Аның өчен алар 2620 тавыш биргән. Проектны тормышка ашыру  9,5 миллион сумга төшәчәк.

КҖБ порталыннан.