Тиздән Сабантуйлар! Димәк, халкыбызның күркәм гореф-гадәтләреннән берсе булган - Әрәпә җыярга вакыт.
Әрәпә җыю – бер күңелле күренеш, урам буйлап бизәлгән атларга утыргып милли киемнәрдән киенгән егет-кызлар гармун моңнарына кушылып җырлар җырлап үтәләр. Бу йола Сабантуй чакыруы, аңа төп хәзерлек булып тора.
Ата-балаларыбыздан калган борынгы гадәтебезне югалтмыйча саклыйк! Җыр-моңга күмелеп үткән Әрәпәләребез бәрәкәтле булсын, ихлас күңелдән тапшырган бүләкләрегез Сабантуй бәйгеләрендә катнашкан һәркемнең күңеленә хуш килсен!