Россиядә минималь хезмәт хакы һәм пенсияләр индексацияләнәчәк

Премьер-министр Михаил Мишустин июнь башыннан кайбер социаль түләүләрне арттыру турындагы карарга кул куйды.

Хәзер эшләмәүче пенсионерлар аена уртача 19 мең сумнан артык акча алачак. Хезмәт хакы күләме 15,2 мең сумнан артып китәчәк, бу дүрт миллионнан артык кешенең хезмәт хакын арттырырга мөмкинлек бирәчәк.

Моннан тыш, яшәү минимумын арттыру белән, керемнәре түбән булган гаиләләрдән өч яшькә кадәр һәм өч яшьтән алып 17 яшькә кадәрге балаларга ай саен бирелә торган пособиеләр артачак.

Мишустин ассызыклаганча, хөкүмәт мохтаҗ кешеләргә кирәкле ярдәмне күрсәтүне дәвам итәчәк.

Узган атнада Дәүләт Советы утырышында Владимир Путин социаль түләүләрне арттырырга тәкъдим иткән иде.

Хезмәт министрлыгы башлыгы Антон Котяков белдергәнчә, яшәү минимумына бәйле пособиеләрне автомат рәвештә индексациялиләр, моның өчен гариза бирергә кирәкми.