Россиядә пенсияләрне планнан тыш индексацияләүне анонсладылар

Аны кайчан гамәлгә ашырырлар?

Россия Президенты ярдәмчесе Максим Орешкин хәбәр иткәнчә, якын арада пенсияләрне, яшәү минимумын, минималь хезмәт хакы күләмен һәм башка социаль түләүләрне планнан тыш индексацияләү турында игълан ителәчәк.

«Президент 16 яшькә кадәрге балалары булган гаиләләргә түләүләрне тарату турында карар кабул итте инде, планнан тыш яшәү минимумын, минималь хезмәт хакын, пенсияләрне, башка социаль түләүләрне индексацияләү турында карар кабул ителде», — дигән Орешкин «Россия 1»гә (ТАСС буенча цитата).

Аның сүзләренә караганда, хөкүмәттә индексация параметрлары әзерлиләр. «Якын арада бу игълан ителер дип уйлыйм, мондый индексация булачак», — дип өстәгән ул.

Президент ярдәмчесе Финанс министрлыгының беренче кварталдагы мәгълүматларын бастырып чыгару турында искә төшергән, алар бюджетның рекордлы профициты турында сөйли. Аның фикеренчә, бу илдә «финанслар белән... барысы да тәртиптә» дигән сүз. Шуңа күрә социаль чыгымнар артачак.

Максим Орешкин кайбер товарларга бәяләр төшүне көтә. Аның фикеренчә, февраль азагы һәм март башында ваклап сату базарында «икеләтә шок» — чит ил товарларын киметү һәм кулланучылар ихтыяҗының рекордлы дәрәҗәсе күзәтелгән. Ул билгеләп үткәнчә, хәзер кайбер категорияләр буенча «акрынлап аска тәгәрәгән». Орешкин фикеренчә, бу тәкъдимне тергезү һәм дефицит булмау аркасында көчәячәк.

Президент Владимир Путин элегрәк 20 апрельгә кадәр дәүләт һәм муниципаль учреждениеләр хезмәткәрләренең пенсияләрен, социаль түләүләрне, хезмәт хакларын өстәмә индексацияләү, шулай ук минималь хезмәт хакын һәм яшәү минимумы күләмен арттыру турында тәкъдимнәр әзерләргә кушты.

Чыганак: ТАСС