Башкортстанда ир кеше автомобилендә тереләй янып үлгән...

Башкортстанда автомобиль яна. Янгын нәтиҗәсендә ир-ат һәлак булган...

Бу хакта Россия гадәттән тыш хәлләр министрлыгының республика баш идарәсе матбугат хезмәтенә сылтама белән "Башкортостан" ДТРК хәбәр итә.

Ведомство мәгълүматларына караганда, гадәттән тыш хәл Мәләвез районының Зирган авылында теркәлгән. Kia маркалы җиңел автомобиль янган.

Янгын сүндерү бүлекчәләре чакыру буенча ярдәмгә ашыккан. Ут бик тиз сүндерелгән.

Янып беткән автомобильдә ир-атның гәүдәсе табыла. Якынча мәгълүматларга караганда, һәлак булган кешегә 60 яшь булган.

Бәхетсезлек очрагының сәбәбе ачыклана һәм шартлары билгеләнә.

Чыганак: ГТРК "БАШКОРТОСТАН"