Яңа эш атнасы башында Башкортстанда бераз яңгырлы җылы һава торышы көтелә

Башгидромет китергән фаразлар буенча...

Дүшәмбе, 11 апрельдә, һава температурасы төнлә 0, +5 градус булачак, ә көндез 12-17 градуска кадәр җылыначак. Төнлә явым-төшем көтелми, көндез урыны белән бераз яңгыр явуы ихтимал, республиканың көньяк-көнчыгышында уртача яңгыр көтелә.

Башинформ агентлыгы хәбәр итүенчә, сишәмбе, 12 апрельдә, төнлә 0,+5, көндез 9-14 градус җылылык көтелә, урыны белән кыска вакытлы яңгыр, көньяк районнарда явым-төшем күбрәк булуы ихтимал. Җил көнчыгыштан, уртача. Искәртеп узабыз, элегрәк синоптиклар Башкортстанда җылы апрель вәгъдә иткән иде, явым-төшем нормадан югарырак булачак.