Россия банклары тиз түләү системасы базасында СБПэй кушымталарын гамәлгә кертүгә әзерләнә

Санкцияләр аркасында Apple Pay һәм Google Pay сервислары россиялеләр өчен вакытлыча ачык түгел, әмма банклар үз илләренең алыштыруларын — Россия Банкының тиз түләү системасы базасында СБПэй кушымталарын кертүгә әзерләнәләр.

Күпчелек эре банклар әлеге кушымта аша 1 апрельдән үк түләү мөмкинлеген башлап җибәрәчәк — нәкъ менә шушы көннән башлап, регулятор күрсәтмәсе нигезендә, кушымтаны куллану СБП катнашучы банклар өчен мәҗбүри була.

"Мәскәү кредит банкы 1 апрельгә кадәр үз клиентлары өчен Сбпэйны гамәлгә ашырырга планлаштыра. Сервис-Россиядә күптән түгел эшләгән популяр түләү янчыклары аналогы. Бары карталар урынына гына Сбпэйга клиентларның банк счетлары бәйләнә",-дип хәбәр иткәннәр МКБ матбугат хезмәтендә.

“Почта банк” кирәкле эшләрне тәмамлый һәм якын арада сервиска тоташачак. Шул ук вакытта хәзер үк клиентларның күбесенең СБП аша үз банкларының кушымталарында сатып алу мөмкинлеге бар, дип искәрткән кредит оешмасының өлкән вице-президенты, инновацияләр буенча директоры Анастасия Масленникова.

СБП аша түләүне арттыруны тоткарлаучы факторларның берсе — әлеге технологияне сатучы-сәүдә-сервис предприятиесе ягында яклау. Бу, Масленникова фикеренчә, сервисның массакүләм таралуын акрынайтырга мөмкин.

Якын арада сервисны шулай ук Росбанк, «Санкт-Петербург», «МТС Банк», “Дом.РФ” , “Промсвязьбанк” банкы башлап җибәрергә әзерләнә. 1 апрельдән сервисны «Абсолют банк»та тәкъдим итә башлаячак. Моннан тыш, базарның кайбер катнашучылары СБПэй кушымтасын керткәннәр инде — алар арасында «Русский Стандарт» банкы һәм Экспобанк бар.

Хәзер СБПэй аша түләүнең төп сценарие-QR-код. Әмма базарда катнашучылар милли түләү карталары системасы белән бергә, клиентлар СБПэй аша смартфонны терминалга — NFC ярдәмендә түли алсын өчен эшли. Моннан тыш, россиялеләә контактсыз түләүнең тагын бер сервисы — «Мир»түләү системасыннан Mir Pay ны куллана алалар.

Чыганак: РИА Новости