Россиядә төзелеш материалларына бәяләр төшәчәкме?

Россиядә металл эшләнмәләре, шулай ук башка төр төзелеш материаллары очсызлана.

Бу хакта  Төзелеш министрлыгы башлыгы Ирек Фәйзуллин белдерде. Аның сүзләренә караганда, уртача бәяләр якынча 9% ка кимегән.

"Бөтен җирдә дә кимү бара, әкренләп металл буенча кимү күзәтелә”,— дигән Фәйзуллин ТАСС журналистларына. Ул белдергәнчә, бу  мәгълүматлар төзелештә сертификацияләүнең Федераль фәнни-техник үзәгенең мәгълүмат системасы белән раслана, атна саен кимү күзәтелә.

«Ъ» экспертлары хәбәр иткәнчә, соңгы айда Украинада Россия махсус операциясе фонында кайбер төзелеш материалларына бәяләр уртача 80% ка арткан. «Синергия» төзелеш һәм проектлау өлкәсендә үзрегуляторларның тармакара ассоциациясе үткәргән сораштыру нигезендә, логистик чылбырлар, шул исәптән төзелеш материаллары белән тәэмин итүдә, шулай ук аларның кискен кыйммәтләнүе, төзүчеләрнең 40% ы торак һәм коммерцияле күчемсез милекнең аерым объектларын төзүне туктатырга мәҗбүр иткән.

Чыганак: ТАСС