“Мәгариф” милли проекты Балтач укучыларына туган телләрне тирәнтен өйрәнү мөмкинлеге бирә

Балтач районында “Үсеш ноктасы” табигый-фәнни профильле мәгариф үзәкләрен булдыру буенча эш алып барыла. 1 нче Иске Балтач урта мәктәбендә узган уку елында шундый үзәк булдырылды һәм уңышлы эшли.

Быелгы уку елында мәктәпнең алтынчы класс укучылары белән туган телләр атналыгында “Чәк-чәк Гөлчәчәккә” дигән ачык дәрес үткәрдек. Дәрес барышында татар халкының милли ашларын барладык, чәк-чәк пешерү серләрен өйрәндек. Видеодәрес карап, Казан шәһәрендә яшәүче аш-су остасы Дилбәр апаның чәк-чәк пешерү серләре белән таныштык.

Балалар соңгы елларда туган телне (бигрәктә татар телен) теләп өйрәнәләр. Яшь ата-аналар кыз һәм улларының татар телен камил үзләштереп, иркен аралашып үсүләрен тели.

Рима Мансурова, татар теле һәм әдәбияты укытучысы