Брифингта Башкортстанда яшәүчеләр саулык саклау министрына да сораулар бирде

Ул сорауларга республика Саулык саклау министры Максим Забелин җавап бирде.

Башкортстанда яшәүче халыкта күпсанлы сораулар буенча БСТ каналында онлайн-форматта үткән брифинг барышында саулык саклауга кагылышлы сораулар да яңгырады. Аларга Максим Забелин җавап бирде.

Башкортстан Республикасында "Фармстандарт-УфаВИТА" заводында 119 дару препаратлары, шул исәптән "Спутник V" вакцинасы җитештерелә. Ә Стәрлетамак шәһәрендәге "Оптимедсервис" компаниясе офтальмология җиһазлары һәм операцияләр өчен чыгым материаллары, контакт линзалары һәм аларга эремәләр җитештерә.

Башкортстан Республикасында 4 марттан диспансерлау яңартылды. Элекке кебек үк, өч елга бер тапкыр аны 39 яше тулмаган кешеләр узарга тиеш. Ә өлкәнрәкләр аны ел саен уза.

—Covid-19 кимү тенденциясен күрүгә, диспансерлау узу юлын ача алдык. Ул өлкәннәр өчен дә, балалар өчен дә бара. Covid-19 кичергән кешеләр өчен диспансерлау аерым уза. Ул гомер өчен мөһим булган күрсәткечләрне иртә скринингка һәм мониторинглауга юнәлтелгән берничә этапны күздә тота, - дип аңлатты Максим Забелин.