Магашлы-Алмантай авылына зур кунаклар җыелды

Ул "Аек авыл-2021" республика конкурсы кысаларында оештырылды. 

Бәйрәм "Милләт йәме - йола, байрамдарҙа" дигән баш астында узды. Авыл халкының йолаларына һәм фольклорына багышланган бәйрәм нәкъ менә шушы авылда үтүе очраклы түгел. Магашлы-Алмантайлылар конкурсның район этабында җиңү яуладылар һәм хәзер республика этабына әзерләнәләр. Бәйрәмнең кунаклары – “Башкртстан Республикасы Авыл биләмәләре Советы” Ассоцияциясе башкарма директоры Борис Нурисламов, Бөтендөнья башкорт корылтае Аппараты җитәкчесе Рөстәм Баянов, ут күршеләребез, Аскын һәм Тәтешле районнары башлыклары Динис Юсупов һәм Фәнур Шәйхисламов, авыл җирлекләре башлыклары чарада теләп катнашты.

—Бу көнне без районнар арасында дуслыкны ныгытуда зур адым ясадык дип уйлыйм. Коллегаларым белән бергә урындагы үзидарәгә кагылышлы кайбер мәсьәләләр буенча да фикер алыштык. Мондый очрашулар муниципальара хезмәттәшлек традицияләрен яңартыр дип ышанам!— ди район Хакимияте башлыгы Илгиз Субушев.