Сөенче! Башкортстанга яз килә: +3 градуска кадәр җылытачак

Гидрометеорология үзәге якындагы өч көнгә һава торышы фаразын бастырган.

Ведомство хәбәр итүенчә, якын көннәрдә республикада акрынлап җылытачак.

22 мартта урыны белән бераз кар явачак, аерым участокларда бозлавык. Җил көнбатыштан, төньяк-көнбатыштан. Һава температурасы төнлә -4,-9°, аерым районнарда -14°, көндез -2,+3°.

23 мартта урыны белән бераз кар, көндез яңгыр явачак. Җил көнбатыштан. Һава температурасы төнлә -4,-9°, аязыткан вакытта -14°, көндез +3,-2°.

24 нче мартта урыны белән бераз кар, кар катыш яңгыр явачак. Җил көнбатыштан. Һава температурасы төнлә -4,-9°, аязган вакытта -14°, көндез +3,-2°.

Язны каршыларга әзерләнәбез, җәмәгать!

Чыганак: Башинформ