Башкортстанда җылытачак, әмма явымлы һава торышы көтелә

Синоптиклар март аеның алдагы көннәренә фаразларын җиткерде.

Мартның икенче декадасында республикада салкын һәм кояшлы һава торышы явым-төшемсез булды. Бу антициклоннар йогынтысына бәйле, дип аңлатканнар Башгидрометцентрда.

Синоптиклар фаразлаганча, якын көннәрдә һава торышы циклон характерында булачак. Ял көннәрендә урыны белән бераз кар явачак. Һава температурасы төнлә -9, -14°, көндез 0, -5°кадәр күтәреләчәк.

Дүшәмбе, 21 мартта, республикада кар катыш яңгыр явачак, урыны белән буран чыгачак, җил көчәйгәндә секундына 15-20 метрга кадәр җитәчәк, юлларда бозлавык барлыкка киләчәк, җепшек кар элекрт чымнарына һәм агачларга сылашачак. Юлларда-бозлавык, урыны белән кар көртләре күзәтеләчәк. Һава температурасы төнлә -3, -8°, көндез +2, -3°га тиң булачак.