Башкортстанда шикәр ни хак торачак?

Властьлар шикәргә бер төрле бәя кертергә карар иткәннәр.

Бу хакта үзенең социаль челтәрләрендә республика Хөкүмәте премьер-министры Андрей Назаров хәбәр иткән. Бу адым ажиотажны киметергә тиеш.

"Шикәр базарында спекуляция безнең төбәктә генә түгел, гомумән ил буенча да бар. Хәзер монополиягә каршы федераль хезмәт шикәр җитештерүчеләр арасында тикшерүләр башлап җибәрде, һәм "ясалма дефицит"булдыруга юл куймау турында белдерде. Минемчә, боларның барысы да базарда намуссыз катнашучыларга бәйле. Бүген кризиска каршы штабта мин төбәк сәүдә министрлыгына, кибетләр билгеләнгәннән югарырак була алмасын өчен, республикада шикәргә бер төрле бәя кертү бурычын куйдым. Шикәр җитәрлек күләмдә бар", - дип язган премьер.

Башкортстан Хөкүмәте вице-премьеры-авыл хуҗалыгы министры Илшат Фазрахманов та шул хакта сөйләгән: “Башкортстанда шикәр җитәрлек, аның белән проблемалар юк, бу ясалма ясалган ажиотаж, үз вакытында карабодай, тоз белән булган кебек хәл".

Бүген РФ Монополиягә каршы федераль хезмәт хәбәр иткәнчә, шикәргә бәяләрнең кискен артуы һәм базарда нигезсез продукт дефициты барлыкка килү сәбәпле, Россиядә шикәр җитештерүчеләрнең эре җитештерүчеләренә  тикшерүләр башланган. Тикшерелүчеләр арасында «Россия Шикәр җитештерүчеләр берлеге», «Русагро «компанияләр төркеме» җәмгыяте, «Русагро-Центр» җәмгыяте, «Продимекс», «ГК Доминант», «Доминант «Сәүдә Йорты» һәм «ЧеховСахар» җәмгыятьләре бар, дип яза “Башинформ”.

Фото: БР сәүдә министрлыгы