Россиядә минималь хезмәт хакы, бюджет хезмәткәрләренең хезмәт хакы һәм пенсияләр артачак

Ил президенты Владимир Путин шул хакта белдерде.

Россиядә минималь хезмәт хакы күләме (МРОТ), яшәү минимумы (ПМ), бюджет хезмәткәрләренең хезмәт хакы, социаль түләүләр һәм пенсияләр арттырылачак. Бу хакта РФ Президенты Владимир Путин төбәкләргә социаль-икътисадый ярдәм буенча киңәшмәне ачканда белдерде.

Социаль ярдәм чараларын киңәйтергә кирәк, дип ассызыклады Россия лидеры.

"Керемнәр буенча бәяләр үсеше җитди кими, - дип билгеләп үтте ул. - Шуңа күрә якын арада барлык социаль түләүләрне арттыру турында Карар кабул ителәчәк".

Монда пособие һәм пенсияләр керә. Шулай ук хезмәт хакы һәм ПМ артачак, бюджет өлкәсендә хезмәт хакы арттырылачак. "Хөкүмәттән мондый арттыруның төгәл параметрларын исәпләвегезне сорыйм", - дип белдерде Путин.

Хәтта хәзерге шартларда да ярлылыкны һәм тигезсезлекне киметү бурычы саклана, дип игътибарны юнәлтте ул.

«Российская газета»дан