Көнтүгеш авыл биләмәсе авылларыннан дистәләрчә офицер ир-егет төрле гаскәрләрдә хезмәт итә

Көнтүгеш авыл биләмәсенә караган Көнтүгеш, Тозлыбин, Түбән, Югары Иванай, Яңа Уразай, Янтимер авылларыннан дистәләрчә ир-егет илебезнең төрле төбәкләрендә төрле гаскәрләрдә хезмәт итә.

Үсеп килүче буын вәкилләренә хәрби-патриотик тәрбия бирү эше бу төбәктә яхшы оештырылган. Физик яктан нык, спорт белән дус, үз-үзләрендә ныклы холык, чыдамлылык, сабырлык, максатчанлык тәрбияләгән ир-егетләр сынатмый.

Ильдар Саетгареев, Алексей Бабеков, Сергей Айдимиров, Артур Калитов, Станислав Беляев, Юлиан Байбулатов, Руслан Минсиламов, Игорь, Артём Минилгалиннар, Валерий Михайлин, Артём Сафин,  Рим Минилгалин, шулай ук медицина өлкәсендә хезмәт итүче прапорщик Ирина Бадамшина һәм башкаларны авыл биләмәсе исеменнән Ватанны саклаучылар көне белән котлап, хезмәтләрен тыныч күк астында дәвам итүләрен, саулык, ныклык телибез!