Башкортстанда балалар утырган мәктәп автобусы катнашылыгында автоһәлакәт теркәлгән...

Дүртөйле районында 18 февральдә мәктәп автобусы катнашлыгында юл-транспорт һәлакәте теркәлгән.

БР буенча ЮХИДИ матбугат хезмәте мәгълүматлары буенча, авария Дүртөйле — Нефтекама автоюлының 6 чакрымында, Гоблекучук авылы янында булган.

Булган мәгълүмат буенча, «Лада Ларгус» һәм «ПАЗ» мәктәп автобусы бәрелешкән. Юл-транспорт һәлакәтендә беркем дә зыян күрмәгән, транспорт чаралары механик зыян күргән. Автобус салонында биш бала булуы мәгълүм, аларны әти-әниләре килеп алган.

ЮХИДИ хезмәткәрләре әлеге факт буенча тикшерү эшләрен башлаган, дип яза “Башинформ” агентлыгы.