“Балтач таңнары” гәзите редакциясендә коронавирусның алдагы дулкыны турында сөйләштеләр

Балтач районында коронавируска бәйле хәл кискенләшә...

Бүгенге көндә Балтач районында 16 бала коронавирус белән авырый. “Удаленка”да укучылар да бар. Балтач үзәк район хастаханәсендә янә “кызыл зона” эше киңәйтелгән. Авыручылар бар.

“Балтач таңнары” гәзите редакциясендә бүген, 26 гыйнвар көнне иртәнге оператив киңәшмәдә бу мәгълүматларны басманың баш мөхәррире Рөстәм Вәлиев җиткерде.

—Республикада да коронавируска бәйле хәл катлаулы. Чикләүләр һәр тармакта кертелергә мөмкин. Әзер булырга кирәк. Вакцинация, ревакцинация мәсьәләләренә игътибар итик. Бу барыбызның да хәвефсезлегенә кагыла, — диде Рөстәм Мәүләви улы.

Аида Хәйртдинова фотолары

Фотоларның сыйфаты өчен гафу үтенәм