Түбән Карыш авылында Яңа елны лаеклы каршы алдылар

Түбән Карыш авыл мәдәният йортында Яңа елның тәүге көннәрендә матур чаралар үтте.

—Авылдагы сабыйлар “Балалар иртәсе”нә җыелдылар. Балалар җырлар җырладылар, шигырьләр сөйләделәр, Кыш Бабай һәм Кар Кызы белән очраштылар, күңелле уеннар уйнадылар. Барыгызга да, бигрәк тә әти-әниләргә рәхмәт. Иганәчеләргә зур рәхмәт белдерәбез, — ди мәдәни чараларны оештыручы Лилия Фәүзетдинова.

Ачык һава астында уеннар оештырылуы да күпләрнең күңеленә хуш килгән.

—Олысы – кечесе бик яхшы күңел ачтылар. Барлык катнашучыларга да рәхмәт, — ди оештыручылар.