Туган телгә тугрылык - Гөлфия Моратованың уңышының сере!

Уфа шәһәрендә “Башкортстанның ел укытучысы” республика һәм “Башкорт теле һәм әдәбиятының ел укытучысы” төбәкара конкурсларына йомгак ясалды. Әлеге абруйлы конкурслар республиканың иң яхшы педагогларын ачыклау һәм алдынгы педагогик тәҗрибәне тарату максатыннан үткәрелә.

14 нче мартта “Торатау” конгресс-холлында иң яхшы педагогларны хакимият органнары һәм иҗтимагый оешмалар вәкилләре, педагогик конкурсларның жюри әгъзалары, педагогик хезмәт ветераннары котлады. Тантаналы чарада җиңүчеләрне бүләкләү, аларга мактаулы исемнәр тапшыру уздырылды.

Быел яңа форматта үткән “Башкорт теле һәм әдәбияты ел укытучысы” төбәкара конкурсында 55 педагог катнашты. Конкурс бик киеренке барды, чөнки катнашучылар барысы да үз эшенең осталары иде. Алар дәресләр күрсәттеләр, мастер-класслар үткәрделәр, төрле педагогик мәсьәләләрне чишү юлларын эзләделәр. Алар арасында балтачлы да бар. 

Балтач районынан Иске Балтач 1нче урта мәктәбенең башкорт теле һәм әдәбияты укытучысы Гөлфия Моратова лаеклы катнашты һәм башкорт телен саклау, үстерү буенча оешмасының махсус призына һәм Рәхмәт хатына лаек булды. Гөлфия Моратова – тәҗрибәле педагог, үз эшенең остасы. Ул укучыларына башкорт телен, мәдәниятен яратырга өйрәтә, аларда ватанпәрвәрлек хисләре тәрбияли. Ул шулай ук төрле фәнни-гамәли конференцияләрдә, конкурсларда актив катнаша, үзенең педагогик тәҗрибәсе белән уртаклаша.

Гөлфия Хөсәен кызын район данын лаеклы яклавы белән котлыйбыз һәм яңа һөнәри уңышлар телибез! Аның тырышлыгы, осталыгы һәм туган теленә булган мәхәббәте яшь буынга үрнәк булып тора.