Балтачлы – төбәкара олимпиада призеры

Иске Балтач 1нче урта мәктәбенең 9нчы сыйныф укучысы Айнур Мөхәммәдиев татар теле һәм әдәбияты буенча төбәкара олимпиада призеры булды. Җитәкчесе – Рима Мансурова .

Быел олимпиада 14-17 февраль көннәрендә Казан шәһәренең Халыкара мәгълүмат үзәгендә үткәрелде. Олимпиадада катнашу өчен татар теле һәм әдәбияты буенча төбәк турларында җиңүчеләр һәм призёрлар арасыннан 8, 9, 10, 11нче сыйныф укучылары чакырылды. Олимпиада ике турда үтте: язма - татар теле һәм әдәбияты буенча биремнәрне үтәү, телдән - педагог һәм остаз елына багышланган нәфис сүз буенче сораулар.

Айнурны чираттагы җиңүе белән котлыйбыз һәм киләчәктә дә уңышлар телибез.