Республика конкурсыннан җиңүләр белән кайттылар!

19 ноябрь көнне балалар иҗаты үзәгенең Камилә Халикова җитәкчелегендәге "Радуга талантов" берләшмәсе тәрбияләнүчеләре “Яшь буын. АгроГаилә” республика конкурс-фестивалендә катнаштылар.  

Театр коллективы "Фронт поэзиясе" номинациясендә 1нче дәрәҗә лауреат исеменә лаек булды. Ә "Вдохновение" вокаль ансамбле "Патриотик җыр" номинациясендә махсус диплом белән бүләкләнде.

Шулай ук Амалия Гайниәхмәтова "Эстрада җыры" номинациясендә 1нче дәрәҗә лауреат исеменә лаек булды.

Җиңүчеләрне котлыйбыз һәм киләчәктә дә иҗади уңышлар телибез. Афәрин!