Әнвәр Нургалиевның туганы Диана Сәфәрова үлемендә гаепләнүчегә хөкем карарын чыгарганнар

Чишмә районы суды юл-транспорт һәлакәтендә гаепле кешегә хөкем карары чыгарды, анда танылган җырчы Әнвәр Нургалиевның туганы Диана Сәфәрова һәлак булган иде. Бу хакта "Башинформ" агентлыгы хәбәр итә. 

РБ прокуратурасы матбугат хезмәте мәгълүматлары буенча, ирне гаепле дип таныганнар һәм транспорт чаралары белән идарә итү хокукыннан 3 елга мәхрүм иткәннәр, 7 елга ирегеннән мәхрүм итү рәвешендәге җәзаны билгеләгәннәр һәм зыян күрүчеләр файдасына мораль зыян компенсациясе буларак 5 млн сум түләргә кушканнар. Хөкем карары әлегә законлы көченә кермәгән.

Хәтергә төшереп үтик: автоһәлакәт 9 майда Чишмә районының Революция урамында теркәлә. Тикшерү версиясе буенча, төнлә гаепләнүче исерек килеш “Toyota Camry” машинасына утырган. Ул югары тизлектә барган, интервалны сакламаган һәм  Диана хәрәкәт иткән “Honda Civic”ны узып киткәндә аның юлын кискән. Шул сәбәпле Диана идарәне югалткан һәм металл коймага бәрелгән.

Сәфәрова җәрәхәтләрдән һәлакәт урынында ук һәлак була.

Юл-транспорт һәлакәтеннән соң гаепләнүче качкан.

Диананың өч баласы калды. Ул аларны ялгызы тәрбияләгән. Ул балаларның опекуннары булып зур әтиләре белән зур әниләре калды.