Каршыга килгән машина алдына килеп чыккан

Дәүләт автоинспекциясе хезмәткәрләре Уфа районында теркәлгән юл-транспорт һәлакәте шартларын ачыклыйлар.

Бүген иртәнге сәгать уннар тирәсендә Уфа-Ырынбур Р-240 автоюлының 2нче чакрымында юл-транспорт һәлакәте булган.

Беренчел мәгълүматлар буенча, 29 яшьлек водитель “Рено Сандеро” автомобилендә Уфа шәһәре юнәлешендә хәрәкәт иткәндә каршы полосага чыккан һәм каршыга килгән “Лексус НХ200” автомашинасы белән капма-каршы бәрелешкән.

Юл-транспорт һәлакәте нәтиҗәсендә “Рено” водителе алган тән җәрәхәтләреннән һәлакәт урынында үлгән.

Юл-транспорт һәлакәте урынында Дәүләт автоинспекциясе, Гадәттән тыш хәлләр министрлыгы һәм башка ашыгыч хезмәтләр хезмәткәрләре эшли. Вакыйганың нечкәлекләре ачыклана.