Санаулы мизгелләр эчендә янгын бөтен өйне чолгап алган

Русия Гадәттән тыш хәлләр министрлыгы янгын сүндерүчеләре Әбҗәлил районы Кушеево авылында янгынны сүндергән, анда 5 кеше зыян күргән, шуларның 3се балалар.

Кичке сәгать тугызда Таһир Кусимов урамындагы торак йортта, беренчел мәгълүматлар буенча, газ казаннарының герметиксызлануы һәм янгын чыгуы була. Гадәттән тыш хәлләр министрлыгының ут көрәшчеләре килгәч, янгын өйне тулысынча каплап алган була.

Гадәттән тыш хәлләр министрлыгы тикшерүчесе мәгълүматлары буенча, йортта күп балалы гаилә яшәгән, әтиләре эштә булган. 5 кеше, шул исәптән 2 хатын-кыз һәм 3 бала (2015, 2017, 2019 елгы кызлар) җәрәхәтләнгән, ашыгыч медицина ярдәме бригадасы аларның барысын да район дәваханәсенең реанимация бүлегенә салганнар.

Әбҗәлил районы прокуратурасы вакыйганың сәбәпләрен һәм шартларын билгеләү буенча күзәтчелек чаралары үткәрүне оештырды, газ җиһазларын эксплуатацияләгәндә хәвефсезлек таләпләрен үтәүгә бәя бирәчәк.