Машинадан бернәрсә дә калмаган диярлек...

Дәүләт автоинспекциясе хезмәткәрләре Ишембай районында булган фаҗигале юл-транспорт һәлакәтенең сәбәпләрен ачыклыйлар.

Беренчел мәгълүматлар буенча, авария бүген Ишембай-Стәрлетамак-Карайган автомобиль юлының 9нчы чакрымында теркәлгән. “Лада Калина” руле артындагы 62 яшьлек водитель “Субару Форестер” автомобиле белән бәрелешкән.

Юл-транспорт һәлакәте нәтиҗәсендә “Лада Калина” водителе шунда ук үлгән.

Полиция хезмәткәрләре тикшерү башлаган, аның барышында вакыйганың сәбәпләре һәм шартлары ачыкланачак.

Юл-транспорт һәлакәте урынында Дәүләт автоинспекциясе һәм башка ашыгыч хезмәтләр хезмәткәрләре эшли.