Ике машина да тимер өеменә әйләнгән

Башкортстанда ике автомобиль бәрелешкәндә водительләрнең берсе һәлак булган. Икенчесе авыр хәлдә дәваханәгә озатылган, дип “Башинформ” агентлыгы хәбәр итә.

Башкортстан буенча ЮХХДИ матбугат хезмәте хәбәр иткәнчә, авария Кырмыскалы районында Олыкүл - Кабак - Суык Чишмә автомобиль юлының өченче километрында булган. Беренчел мәгълүматлар буенча, "ВАЗ-2114" һәм "Hyundai Sonata" автомобильләре бәрелешкән.

Авария нәтиҗәсендә "ВАЗ-2114" водителе ашыгыч ярдәм килгәнче шунда ук үлгән. Чит ил машинасы водителе күпсанлы җәрәхәтләр алган. Аны дәваханәгә озатканнар.

Юл-транспорт һәлакәте факты буенча тикшерү башланган.