Полиция хезмәткәренә ришвәт бирергә маташкан

Куергазы районында исерек автомобильче тоткарланган, ул инспекторга 30 мең сум ришвәт бирергә маташкан. Бу хакта үзенең телеграмм-каналында республика ЮХХДИ начальнигы Владимир Севастьянов хәбәр итә.

Билгеле булуынча, кичә “ВАЗ-2107” машинасы руле артында исерек хәлдә булган 52 яшьлек кешене туктатканнар. Административ материал төзелмәсен дип, полиция хезмәткәренең берсенең кесәсенә акча салырга маташкан. Инцидент урынына тикшерү-оператив төркем чакыртылган.

Хәзер водительгә РФ ҖК 291нче мәддәсе буенча җинаять эше яный. Аның транспорт чарасын махсус тукталышка урнаштырганнар.