Эшкуар Әлфия Садыйковага – мактаулы исем!

Шәхси эшкуар Әлфия Муллагали кызына күпьеллык нәтиҗәле хезмәте һәм район, республика икътисадына зур өлеш керткәне өчен «Башкортстан Республикасының атказанган эшкуары» дигән мактаулы исем бирелде.

Әлфия САдыйкованың эшчәнлеге югары һөнәрилек, җаваплылык һәм яңалыкка омтылу белән аерылып тора. Ул һәрвакыт үз хезмәткәрләре турында кайгырта, аларның квалификациясен күтәрүгә, яхшы эш шартлары тудыруга зур игътибар бирә. Ул хәйрия эшчәнлегендә дә актив катнаша, социаль әһәмияткә ия проектларны тормышка ашыра.

Әлфия Муллагали кызының «Башкортстан Республикасының атказанган эшкуары» дигән мактаулы исемгә лаек булуы – аның тырыш хезмәтенең, югары осталыгының һәм республика икътисадына керткән өлешенең танылуы.