“Династия”гә сәяхәт

Район Хакимияте башлыгы Илгиз Субушев “Эшкуарлык атнасы” кысаларында “Династия” медицина үзәгендә булды.

Медицина үзәгенә районда гына түгел, ә аннан читтә дә яхшы билгеле булган табиблар – Лилия һәм Илмир Каһировлар гаиләсе нигез сала.

Социаль предприятиеләр реестрына кертелгән клиника профилактик һәм диагностика-дәвалау юнәлешендә эшли - монда көндезге стационар, процедура, массаж, физиотерапевтик һәм операция кабинетлары эшләп килә.

Кабул итүне югары категорияле табиб-невролог Лилия Каһирова, хирург, уролог эндоскопист, УЗИ табибы Илмир Каһиров, табиб-эндокринолог, нутрициолог, офтальмолог Эльвина Хәйдәрова, терапевт Динар Каһировлар үткәрә.