Маталылар Ураза гаетен билгеләп үттеләр

Ураза бәйрәме – ислам диненең төп бәйрәмнәренең берсе.

Бер ай буена Аллаһы Тәгаләнең ризалыгы өчен дип ураза тотканнан соң, мөселманнар өчен иң зур бәйрәмнәрнең берсе — Ураза бәйрәме җитте. Бу елны  ул 21нче апрельгә туры килде. 

Бу изге бәйрәм  барысына да сәламәтлек, күңел җылысы, тынычлык һәм иминлек алып килсен! Ураза бәйрәмендә гает намазы укыдылар. Бәйрәм азагында бәйрәм табыны хәзерләнгән иде, кунаклар пылау ашадылар һәм чәй эчтеләр.

Барлык якты теләкләр тормышка ашсын, тоткан уразалар, биргән фитр сәдакалары Аллаһы Тәгалә тарафыннан кабул булсын. Бәйрәм мөбарәк булсын!