“Яшьлек”тә күңелле итеп ял иттеләр

 “Яшьлек” физкультура-савыктыру комплексында балалар өчен оештырылган“Ура, каникуллар!” спорт-сәламәтләндерү чаралары тәмамланды.

Күңелле һәм мавыктыргыч чаралардан беркем дә битараф калмады. Монда ике агымга бүленеп, 60тан артык бала ял итте.

Программа шактый бай булды: ярышлар, әңгәмәләр, экскурсияләр, викториналар, спорт чаралары, эстафеталар һәм ГТО нормативларын тапшыру. Балалар актив ял итте.

Формалары һәм эчтәлеге буенча төрле эшчәнлек оештырып, тренерлар коллективы балаларга төрле эшчәнлек төрләрен үзләштерергә, конкрет белем һәм күнекмәләр алырга, лидерлык сыйфатларын формалаштырырга ярдәм итү өчен барлык шартларны да тудырды.