Юлда янә үлем...

Учалы районында үлемгә китерүче юл-транспорт һәлакәте булган. Авариядә бер кеше һәлак булган, тагын өч кешене дәваханәгә алып киткәннәр, шул исәптән ике баланы.

Инцидент Белорет-Учалы-Миасс юлының 100нче километрында булган. Башкортстанның ЮХХДИ матбугат хезмәте мәгълүматлары буенча, 82 яшьлек шофер идарә иткән «Лада Гранта» автомобиле һәм каршыга килгән «Кио Рио» машинасы бәрелешкән, аның руле артында 42 яшьлек урындагы кеше булган.

Һәлакәт урынында «Лада Гранта»ның өлкән яшьтәге водителе үлгән. Тагын өч кеше зыян күргән. Алар арасында чит ил машинасы водителе һәм аның ике баласы: 10 яшьлек малай һәм 8 яшьлек кыз.

Медицина тикшерүе нәтиҗәсендә «Кио Рио» водителе исерек булуы ачыкланган.

ЮХХДИ хезмәткәрләре вакыйганың сәбәпләрен ачыклый.

Фото: ЮХХДИ матбугат хезмәте.