“Эшкуарлык сәгате”ндә

Бүген район Хакимиятендә “Эшкуарлык сәгате”ндә ит һәм балык киптерү цехы булдыру буенча бизнес-идея турында фикер алыштылар.

Иске Балтач авылында яшәүче хатын-кызның әлеге продукция җитештерү тәҗрибәсе бар һәм ул халыкка сату өчен продукция җитештерергә тели. Комиссияле рәвештә АСП (социаль контракт нигезендә адреслы социаль ярдәм программасында катнашу өчен гариза бирергә тәкъдим иттеләр), ә икътисад һәм эшкуарлык бүлегенә консультация ярдәме күрсәтергә кушылды.

Эшкуар булырга яки үз эшегезне үстерергә теләүчеләр өчен һәр пәнҗешәмбе “Эшкуарлык сәгате” форматында киңәшмә үткәрелә. Анда катнашу өчен алдан 83475321066 телефон номеры буенча язылырга кирәк.