Батыр даны – мәңгелек!

Бүген,Түбән Сикияз урта мәктәбендә, махсус хәрби операциядә хәрби бурычын үтәгәндә һәлак булган Тимур Нуховның  истәлегенә урнаштырылган мемориаль тактаташка чәчәкләр салу тантанасы узды.

Аның истәлеген хөрмәтләргә район Советы рәисе Азамат Мәгъзүмов, Сугыш һәм хезмәт ветераннарының район советы рәисе Рифат Сафин, район мәгариф бүлеге начальнигы Гөлнара Шәймөхәмәтова, укучылар һәм укытучылар, Тимурның әти-әнисе, битараф булмаган авыл халкы җыелды.

Барлык катнашучылар да Тимур Нуховны бер минут тынлык белән искә алдылар һәм аның хөрмәтенә куелган мемориаль тактаташка чәчәкләр салдылар.

Бүгенге митинг - Ватаныбыз өчен һәлак булган геройлар истәлегенә хөрмәт күрсәтү. Яшь буын үз батырларын истә тотарга һәм хөрмәт итәргә тиеш. Аларны бервакытта да онытырга тиеш түгелбез.