Башкортстанга салкыннар килә

Синоптиклар мәгълүматлары буенча, алдагы өч көндә республикада карлы һәм салкын булачак. Якшәмбе, 28 гыйнварда, урыны белән бераз кар явуы көтелә. Һава температурасы көндез -5,-10, урыны белән -15 градус тәшкил итәчәк.

Дүшәмбе, 29 гыйнварда, урыны белән бераз кар. Җил көньяк, көньяк-көнбатыштан талгын. Термометр баганалары төнлә -13,-18, аязганда -20,-25, көндез -8,-13 градус күрсәтәчәк.

Сишәмбе, 30 гыйнварда, һава температурасы төнлә -10, -15, аязганда -16, -21, көндез -5, -10 градус суык булуы көтелә.