Бер янгында – ике мәет

Уфада шәхси йортта янгын ике кешенең гомерен өзгән. БР Гадәттән тыш хәлләр буенча дәүләт комитетының матбугат хезмәте мәгълүматлары буенча, 21нче гыйнвар иртәсендә ашыгыч хезмәтләргә Уфаның Калинин районы Ольховник коммерцияле булмаган бакча ширкәтендә шәхси йорт януы турында хәбәр килгән.

Вакыйга урынына оператив рәвештә Гадәттән тыш хәлләр министрлыгының БР буенча хезмәткәрләре һәм башка ашыгыч хезмәтләр юллана.

Кызганычка каршы, янган йортта ике кешенең мәетләре табылган: 1998нче елгы ирнең һәм яшь кызның.

Хәзерге вакытта Гадәттән тыш хәлләр министрлыгы тикшерүчеләре янгынның сәбәпләрен һәм шартларын билгели.