Ике балалы гаилә агуланган

Күмертауда 23 октябрь кичендә республиканың ашыгыч хезмәтләренә бер гаиләнең газ исенә агулануы турында хәбәр килә. Бу хакта “Башинформ”  агентлыгы хәбәр итә.

1988нче елда туган әти-әниләрен һәм 5 һәм 8 яшьлек ике улларын Күмертау үзәк шәһәр дәваханәсенә озатканнар. Аларның хәлләре уртача авырлыкта булуы билгеле.

"Гаилә яшәгән йортның ихатасында мунча бар, әти-әниләре дә, балалар да кичә мунча кергән була. Шәхси торак йорт газ котелы һәм газ плитәсе белән җиһазландырылган булган. Хәзер газ чыгу сәбәпләрен белгечләр тикшерә", — дип хәбәр ителә чыганакта.