Җылы көннәр озаккамы?

Бүген Башкортстанда көндез 16 градуска кадәр җылытачак, дип хәбәр итә төбәк синоптиклары.

Башгидрометеоүзәк мәгълүматлары буенча, 17 октябрьдә явым-төшем көтелми. Көндез республиканың көнбатыш районнарында бераз яңгыр явуы ихтимал. Җил көньяк, көньяк-көнбатыштан уртача, көндез урыны белән көчәючән. Көндез һава температурасы +11, + 16 градус.

18 октябрьдә урыны белән бераз яңгыр, төнлә төньяк һәм таулы районнарда кар көтелә. Җил көньяк, көньяк-көнбатыштан уртача. Һава температурасы төнлә -2,+3, көндез +4, +9 градус булуы көтелә.

19 октябрьдә Башкортстанда һава торышы әллә ни үзгәрмәячәк. Алдагы көндәге кебек үк, урыны белән бераз яңгыр, төнлә төньяк һәм таулы районнарда кар явуы ихтимал. Һава температурасы төнлә -2,+3, көндез +4, +9 градус тәшкил итәчәк.