Ике хатынның үле гәүдәләре табылган

Сибайдагы фатирларның берсендә юрган белән капланган ике хатын-кыз мәете табылган.

Сибайдагы фатирларның берсендә юрган астында ике өлкән яшьтәге хатын-кызның мәете табылган. "РЕН ТВ" үзенең чыганагына сылтама ясап хәбәр иткәнчә, 15 сентябрь кичендә өлкән яшьтәге хатын-кыз апасына кунакка килгән һәм өенә йокларга кайтмаган.

Пенсионерның кызы һәм кияве бу хакта борчылмаган, чөнки хатын-кызларның бер-берсенә кунакка йөрүләре еш булган. Ләкин 2 көннән соң, хатын-кыз кайтмагач, аның кызы Куйбышев урамындагы йортка килгән.

Ләкин ишекне беркем дә ачмаган, ә фатирдан сәер ис килгән. Урынга полиция хезмәткәрләрен чакырганнар. Ишек ачылгач, юрган белән капланган ике мәет табылган. Телеканал чыганагы мәгълүматларына караганда, гариза бирүченең әнисе тәнендә пычак яралары табылган.

Үтерү маддәсе буенча җинаять эше кузгатылган. Хәзер хокук саклау органнары вакыйганың сәбәпләрен һәм шартларын тикшерә.