Җил-давыл котырган

Кичә кич  Башкортстанда берничә бинаның түбәсен көчле җил алып ташлаган. Бу хакта “Башинформ” агентлыгы хәбәр итә. Гадәттән тыш хәлләр министрлыгының Башкортстан буенча Баш идарәсендә хәбәр итүләренчә, җил-давыл Благовар районының Языково авылында булган. Биредә берничә бинаның түбәсенә җил-давыл җитди зыян китергән.

Ведомство мәгълүматлары буенча, Благовар үзәк район дәваханәсенең, ике катлы “Россгострах” бинасының һәм ике катлы күпфатирлы торак йортның түбәсе җимерелгән.

Бәхеткә, зыян күрүчеләр юк. Муниципалитетның эшенә начар һава торышы йогынты ясамаган.