"Профилактика. Хәвефсезлек. Балалар" форумы

Бүген, 1нче ноябрьдә, район мәдәният сараенда  балигъ булмаганнар арасында хокук бозуларны профилактикалау мәсьәләләре буенча "Профилактика. Хәвефсезлек. Балалар" район форумы узды.

Чарада башкарма хакимият органнары вәкилләре, мәгариф бүлеге, мәктәпләр, өстәмә белем бирү учреждениеләре җитәкчеләре, опека һәм попечительлек органы вәкилләре, "Гаилә" хезмәте белгечләре, педагог-психологлар, мәгариф оешмаларының социаль педагоглары, мәктәп укучылары һәм Башкорт төньяк-көнбатыш авыл хуҗалыгы колледжы студентлары  катнашты.

Форум башында район мәдәният сарае фойесында балалар иҗат үзәге, балалар һәм яшүсмерләр спорт мәктәбе һәм балалар сәнгать мәктәбе педагоглары балалар өчен төрле искиткеч мастер-класслар үткәрделәр.

Район Хакимияте башлыгының социаль һәм кадрлар мәсьәләләре буенча урынбасары Инзилә Гасыймҗанова катнашучыларны сәламләп, форумны ачып җибәрде.  

Форум – тәҗрибә белән уртаклашу өчен яхшы мөмкинлек булды.

Чара барышында прокурор ярдәмчесе Илнур Хөснуллин, юл-патруль хезмәте инспекторы Рөстәм Шәрипов, үзәк мәчетнең имам хатибы Филүс Камалтдинов, балигъ булмаганнар эшләре бүлекчәсе инспекторы Алсу Хөсәенова, балигъ булмаганнар эшләре һәм аларның хокукларын яклау комиссиясенең җаваплы секретаре Раушания Шәяхмәтова, “Гаилә” хезмәте психологы Флидә Гарифуллина, Үзәк район дәваханәсе педиатры Луиза Хаҗимуллина, “Яшьлек” физкультура-савыктыру комплексы тренеры Арсен Латыйпов,  Иске Балтач 2нче урта мәктәбе информатика укытучысы Алмаз Халиков һәм район мәгариф бүлеге начальнигы Гөлнара Шәймөхәмәтовалар  яшүсмерләр арасындагы буллингны профилактикалау, аутоагрессив тәртип, мәгълүмати хәвефсезлек, балигъ булмаганнар катнашындагы юл хәрәкәте хәвефсезлеге кебек  мәсьәләләр буенча фикерләре белән уртаклаштылар. Бу һәм башка җитди мәсьәләләр беренче тапкыр балигъ булмаганнар белән берлектә каралды, алар өлкәннәргә тәрбия һәм профилактика эшләрен оештыруда, үзара бәйләнешнең нәтиҗәле формаларын табуда булышырга ярдәм итә.