“Яшел Башкортстан” акциясенә кушылып

Бүген, 14 октябрьдә, Дәүләт урман фонды Балтач урманчылыгының 53нче кварталында урнашкан территориясендә чыршы үсентеләре утыртылды.

Әлеге акция чикләрендә район территориясендә бихисап агач үсентеләре утыртылды.  Һәм дәвам итәчәк тә.

Әлеге өмәдә Нөркә һәм Сәйтәк авыл биләмәләре, район Хакимияте, мәдәният сарае, мәгариф бүлеге, реабилитация үзәге, үзәк район дәваханәсе хезмәткәрләре бердәм булып 2000 агач үсентеләре утырттылар. Чарада район Хакимияте башлыгы Илгиз Субушев, район Хакимияте башлыгының социаль мәсьәләләр һәм кадрлар эше буенча урынбасары Инзилә Гасыймҗанова да катнашты.

Шундый бердәм өмәләр белән утыртылган үсентеләрнең тиз арада тамырланып китүләренә бер дә шик юк.