Волонтёр юлын сайлады

"Иске Балтач авылында яшәүче Гөлнара Раҗәпова волонтёр юлын сайлады. Ул йөрәк өндәве буенча  Луганск һәм Донецк Халык республикалары госпитальләрендә якташларыбызга ярдәм итәргә юлланды.

Гөлнара Раҗәпова һәм республиканың тагын берничә хатын-кызы «Беренче тирмә»проектында катнаштылар. Гөлнара Хәбибрахман кызы, гаять зур рухыгыз, хатын-кызларча батырлыгыгыз, игелегегез, риясызлыгыгыз һәм кешелеклелегегез өчен рәхмәт сезгә! Уңышлар Сезгә, ныклы сәламәтлек! Яхшы эшләр үзегезгә йөзләтә кире кайтсын!"—дип район Хакимияте башлыгы Илгиз Субушев социаль челтәрләрдәге сәхифәсендә язды.

Ансат булмаган вакытта нечкә күңелле, әмма көчле рухлы хатын-кызлар гади булмаган җитди карарлар кабул итә. Чикле вакыт эчендә ярдәмгә мохтаҗларга савыгырга  булышып, исән-сау туган якка кайтырга язсын.