Әни булдыра

 Чара бала карау буенча ялдагы яисә балигъ булмаган балалары булган хатын-кызларга эшкә урнашу һәм һөнәри үсеш мәсьәләләрендә ярдәм күрсәтүгә юнәлдерелгән иде. Бердәм көн кысаларында хезмәт турындагы законнар мәсьәләләре, яңадан укыту һәм квалификация күтәрү мөмкинлекләре, шулай ук туры килерлек вакансияләр эзләү буенча консультацияләр оештырылды. Мәшгульлек үзәге белгечләре районның һәм республиканың хезмәт базарында кирәкле һөнәрләр, шулай ук халыкны эш белән тәэмин итүгә ярдәм итү буенча дәүләт программалары турында сөйләделәр. Ана булу һәм эшне бергә алып бару мөмкинлекләренә аерым игътибар бирелде. Хатын-кызларга ярашлы эш графигы, читтән торып эшләү, шулай ук үз эшләрен ачу вариантлары тәкъдим ителде.