Алтын медаль өчен — 1 миллион

Владимир Путин февральгә кадәр Хөкүмәткә гомуми фәннәр буенча халыкара олимпиада җиңүчеләренә премияләр билгеләү турында Президент указы проектын әзерләргә кушты. Билгеле булуынча, Русия Президенты премиясе 2018 ел өчен һәм алдагы елларда гомуми фәннәр буенча халыкара олимпиадада җиңүчеләргә тәгаенләнә. Алтын медаль алучыларга — 1 миллион сум күләмендә, көмеш медаль өчен — 500 мең сум, бронза медаль өчен 400 мең сум акча биреләчәк. Шулай ук, укучыларны әзерләгән укытучылар да читтә калмый, аларның һәркайсына җиңүче укучысы алган күләмдә премия билгеләнәчәк. Премияләр бирү тәртибе һәм түләү вакыты киләсе елның 30 мартына кадәр билгеле булачак.

Чыганак: "Кызыл таң"