Укроптан соус

 5 минут эчендә әзерләнә, ә тәме шәп, җиңелчә лимонлы әчкелтем. Консистенция куе, хуш исле-күпме генә өстәлгә куйсаң да, һәрвакыт өстәмә сорыйлар. Ингредиентлар: укроп-300 г (калын сабаксыз),  1 данә лимон, үсемлек мае-3 аш кашыгы (зәйтүннән яхшырак), горчица-3 аш кашыгы, сарымсак-1-2 тешчә (тәме буенча). Ничек хәзерләргә?  Укропны юарга u калын сабакларын алырга - алар соус сыйфатын боза ала. Бары тик яшь ботаклар гына кулланабыз. Аларны кисәргә, блендер касәсенә урнаштырырга. Лимонның өске өлешен сарысын гына угычтан үткәреп  ал. Ап-ак өлеш ачылык бирә. Ярты лимон сутын чынаякка сыгарга. Үсемлек мае өстәргә (зәйтүн мае тәмен йомшаграк u затлырак итә). Горчица салырга. Чистартылган сарымсак өстәргә. Барысын да блендер белән 10 секунд чамасы бертөрле куе массага кадәр үткәреп чыгарга. Тоз, борыч өстәргә.  Соус суыткычта берничә көн бик яхшы саклана, шуңа күрә аны алдан әзерләргә мөмкин.