Башкортстанда бер ир-егет 87 яшьлек әнисен уклау белән кыйнап үтергән

Хәзер аңа «саксызлык аркасында зыян күрүченең үлеменә китергән сәламәтлеккә аңлы рәвештә авыр зыян китерү» маддәсе буенча җинаять кылуда гаеп белдерелгән.

Бакалы районында теркәлгән бу фаҗига. 60 яшьлек ир кешесе анасын үтерүдә гаепләнә.  

2022 елның 15 гыйнварында республиканың хокук саклау органнарына Бакалы районында яшәүче 87 яшьлек хатынның шәхси йортында көч кулланып үтерелгән мәете табылу турында хәбәр килә.

Тикшерү комитетында сөйләүләренчә, үтерелгән хатын улы белән яшәгән. Кичен әнисе белән исерек хәлдәге улы арасында ызгыш куба. Өлкән яшьтәге ханым улына аның беркайда да эшләмәве һәм спиртлы эчемлекләр куллануы турында дәгъва белдерә башлаган. Конфликт вакытында гаепләнүче анасының берничә тапкыр башына йодрык белән суга, шуннан соң уклау ала һәм аның башына тагын берничә тапкыр суга. Нәтиҗәдә, хатын аңын югалта, ә җинаятьче йокларга ята. Икенче иртәдә аны энесе уята, ул аларга хәл белергә килгән юула һәм әнисенең яшәү билгеләре бирмәвен ачыклый. Ул шулай ук полиция хезмәткәрләрен дә, ашыгыч ярдәм дә чакырта.

Гаепләнүче тикшерүдән качып котыла алмый һәм үз гаебен таный.

Әлеге вакытта кулга алынуч белән беренчел тикшерү эшләре башкарылган. Суд, тикшерүче үтенече буенча, аңа сак астына алу чарасын сайланган. Тикшерүчеләр тарафыннан суд экспертизалары комплексы билгеләнгән, шаһитлар һәм башка шаһитлар соратыла.

Фото: БР Тикшерү комитеты матбугат хезмәте