Киров өлкәсендә давыл кубып... бер авылны юк иткән

Көчле давыл нәтиҗәсендә йортлар, каралты-куралар, коймалар, машиналар җимерелгән, агачлар юлларга ауган, электр линиясе чыбыклары өзелгән...

Добавить в предпочтительные источники Google

Көчле давыл нәтиҗәсендә йортлар, каралты-куралар, коймалар, машиналар җимерелгән, агачлар юлларга ауган, электр линиясе чыбыклары өзелгән...

Киров өлкәсенең Югары Кама районында коточкыч давыл булган. Лойно авылында булган гарасат фотолары «Типичный Киров» төркемендә чыккан.

Көчле җил торак йортларны, каралты-кураларны, коймаларны, машиналарны җимергән. Карт агачлар юлларга ауган, электр тапшыру линиясе чыбыклары өзелгән. Йорт хайваннары һәм кош-корт үлгән, бакчадагы үсемлекләр авып беткән. Бәхеткә, кешеләр арасында имгәнүчеләр юк, дип яза без кулланган чыганак.

"Город Киров" сайты хәбәр иткәнчә, бәла-каза вакытында бик күп хайван имгәнгән, көтүдән кайтмыйча югалган терлекләр дә шактый.

«Кемнеңдер тавык оясы Каманың икенче ягына ук очып киткән, тавыкларның күбесе үлгән, шактые югалган», — дип яза шаһитлар.